ခရစ္စတီယာနိုရော်နယ်ဒိုနှင့်သူ့ချစ်သူဂျော်ဂျီနာရိုဒရီဂွက်ဇ်တို့ဟာဆော်ဒီတွင်လင်မယားမဟုတ်ပေမဲ့အတူနေခွင့်ရရှိထားကြပါတယ်။

အသက်၃၇နှစ်ရှိခရစ္စတီယာနိုရော်နယ်ဒိုဟာယူနိုက်တက်နှင့်စာချုပ်ဖျက်သိမ်းပြီးတဲ့နောက်ဆော်ဒီကလပ် Al Nassr သို့တစ်ရာသီလျှင်ပေါင်၁၇၃သန်းတန် နှစ်နှစ်ခွဲစာချုပ်ဖြင့်ပြောင်းခဲ့သူဖြစ်ပါတယ်။

ခရစ္စတီယာနိုရော်နယ်ဒိုရဲ့မိတ်ဆက်ပွဲကိုယခုအပတ်အစောပိုင်းတုန်းကပြုလုပ်ခဲ့ပြီးပရိသတ်၂၅၀၀၀လာရောက်ကြိုဆိုခဲ့ကြပါတယ်။

ဆော်ဒီရဲ့စည်းမျဉ်းစည်းကမ်းအရလင်မယားမဟုတ်လျှင်အတူနေခွင့်မရရှိပါဘူး။

ဒါပေမဲ့ Sport ရဲ့ဖော်ပြချက်အရဆော်ဒီအာဏာပိုင်တို့ဟာခရစ္စတီယာနိုရော်နယ်ဒိုရဲ့ကမ္ဘာ့အကြီးကျယ်အားကစားသမားများထဲမှတစ်ဦးဖြစ်တဲ့ဂုဏ်ပုဒ်ကြောင့်အတူနေခွင့်ရရှိထားပါတယ်။

ခရစ္စတီယာနိုရော်နယ်ဒိုဟာကလေးငါးယောက်ရှိထားပြီးယင်းမှနှစ်ဦးကိုဂျော်ဂျီနာနှင့်ရရှိထားတာဖြစ်ပါတယ်။

ဆော်ဒီအာဏာပိုင်များဟာလင်မယားမဟုတ်ဘဲအတူနေခွင့်ပိတ်ပင်ထားပေမဲ့လည်း ယင်းဥပဒေကို ပြဿနာတစ်ရပ်ရှိလာချိန်(သို့မဟုတ်)ပြစ်မှုတစ်ခုဖြစ်ပေါ်လာချိန်တွင်မှအသုံးပြုနေတာလည်းဖြစ်ပါတယ်။

ခရစ္စတီယာနိုရော်နယ်ဒိုဟာAl Nassr သို့ပြောင်းရွှေ့ပြီးအသင်းနှင့်အတူလေ့ကျင့်ခန်းဆင်းနေပေမဲ့လည်းပွဲကစားခွင့်ရရှိဖို့စောင့်ဆိုင်းရပါဦးမယ်။

Al Nassr ဟာခရစ္စတီယာနိုရော်နယ်ဒိုကိုခေါ်ယူထားပေမဲ့လည်း လိဂ်ရဲ့နိုင်ငံခြားသားကစားသမားအရေအတွက်ကန့်သတ်မှုကြောင့် အသင်းရှိ နိုင်ငံခြားသားတစ်ဦးကိုရောင်းချခြင်း(သို့မဟုတ်)ထုတ်ပယ်ခြင်းပြုလုပ်ပြီးမှသာလျှင်ခရစ္စတီယာနိုရော်နယ်ဒိုကိုမှတ်ပုံတင်နိုင်ပါမယ်။