မန်ယူနိုက်တက်တို့ရဲ့ လူငယ်ကစားသမားလေး ဂနာချိုကတော့ မန်ယူနိုက်တက် ပရိသတ်တွေ အတွက်တော့ အသင်းအကယ်ဒမီကနေ ထွက်ပေါ်လာတဲ့ နောက်ဆုံး ထုတ်ကုန်တစ်ခုလို့ ဆိုရမှာပဲ ဖြစ်ပါတယ်။

ဂရင်းဝုဒ်နဲ့ ရက်ဖို့ဒ်တို့ ပြီးရင် အသင်းကနေ ထွက်ပေါ်လာတဲ့ အကယ်ဒမီထွက်ကစားသမားတွေထဲမှာ ဂနာချိုဟာ အလားအလာအကောင်းဆုံးနဲ့ အတောက်ပဆုံး ကစားသမားတစ်ယောက်အဖြစ် ရှိနေတဲ့ သူလို့ ဆိုရမှာ ဖြစ်ပါတယ်။

ပြီးခဲ့တဲ့ ရက်က ကစားခဲ့တဲ့ အဲဗာတန်နဲ့ အက်ဖ်အေဖလား ပွဲစဉ်မှာလည်း ပွဲကစားချိန် မိနစ်(၇၀) လောက်မှာ လူစားဝင်ကစားသမား အဖြစ် ဝင်ရောက်ကစားခွင့်ရခဲ့ပေမဲ့ ဂနာချိုတစ်ယောက် ခြေစွမ်းပြကစားသွားနိုင်ခဲ့တယ်လို့ ဆိုရမှာ ဖြစ်ပါတယ်။

ရက်ဖို့ဒ်ရဲ့ ပင်နယ်တီ သွင်းဂိုးကလည်း ဂနာချိုကြောင့် ရရှိခဲ့တာ ဖြစ်ပြီး ဂနာချိုတစ်ယောက်က လက်ရှိမှာ မန်ယူနိုက်တက် အသင်းကြီး အတွက် အရေးပါတဲ့ ကစားသမားတစ်ယောက်အဖြစ် ရပ်တည်လျက် ရှိနေပြီပဲ ဖြစ်ပါတယ်။

အာဂျင်တီးနားသားတစ်ယောက် ဖြစ်ပေမဲ့လည်း စီရော်နယ်ဒိုကို ရူးသွပ်စွာ အားပေးတဲ့ကစားသမားလေး ဂနာချိုဟာ အဲဗာတန်နဲ့ ပွဲစဉ်မှာ သူဟာ စီရော်နယ်ဒိုကို ဘယ်လောက် အထိ ရူးသွပ်စွာ အားပေးတဲ့ ပရိသတ်တစ်ဦး ဖြစ်နေလဲဆိုတာ ကို ပြသ သွားခဲ့ပါတယ်။

ပရိသတ်တွေ အနေနဲ့ ဂနာချိုဟာ စီရော်နယ်ဒို ပရိသတ် အကြီးစားတစ်ယောက် ဖြစ်တယ်ဆိုတာကို ပွဲကစားချိန်အတွင်းမှာ သတိထားမိခဲ့ကြတာ ဖြစ်ပြီးတော့ ဂနာချိုဝတ်ထားတဲ့ အောက်ခံဘောင်းဘီတံဆိပ်ဟာ CR(7) တံဆိပ် ဖြစ်နေခဲ့တာကို မြင်တွေ့ခဲ့ကြတာ ဖြစ်ပါတယ်။

စီရော်နယ်ဒို အနေနဲ့ မန်ယူနိုက်တက်နဲ့ ပြဿနာတက်ပြီး အသင်းကနေ ထွက်ခွာ သွားခဲ့ရတယ်ဆိုပေမဲ ဒီကစားသမားရဲ့ လွှမ်းမိုးမှုတွေကတော့ လူငယ်ကစားသမား ဂနာချို အပေါ်မှာ သက်ရောက်မှု ကြီးမားလျက် ရှိနေဆဲ ဖြစ်တယ်လို့ ဆိုရမှာပါ။

စီရော်နယ်ဒိုဟာ မကြာသေးခင်ကမှ ထွက်ပေါ်လာခဲ့တဲ့ အင်တာဗျူးမှာ မန်ယူနိုက်တက် အသင်းတာဝန်ရှိသူတွေ၊ နည်းပြဖြစ်သူ တန်ဟတ်နဲ့ အသင်းဖော်ဟောင်းတွေ၊ မန်ယူနိုက်တက်မှာ ရှိစဉ်က ကစားသမားတွေကို ပြင်းထန်တဲ့ ဝေဖန်မှုတွေ ပြုလုပ်ခဲ့တဲ့ သူ ဖြစ်ပါတယ်။

ဒါ့ကြောင့်ပဲ မန်ယူနိုက်တက် ပရိသတ် အချို့က စီရော်နယ်ဒိုရဲ့ လုပ်ရပ်တွေ အပေါ်မှာ စိတ်ပျက်ခဲ့ကြတာ ဖြစ်ပြီး လက်ရှိ အသင်းရဲ့ လူငယ်ကစားသမားလေး ဂနာချို အပေါ်မှာလည်း စီရော်နယ်ဒိုရဲ့ လွှမ်းမိုးမှုတွေ ရှိနေခဲ့တာကို သဘော မတွေ့ ဖြစ်နေခဲ့ကြပါတယ်။

အထူးသဖြင့် အသင်းအတွက် နှစ်ပေါင်းများစွာ အားထားရမယ့် ကစားသမားလေးတစ်ဦး အပေါ်မှာ အသင်းအတွက် အနုတ်သဘောဆောင်ပြီး ထွက်ခွာ သွားရတဲ့ ကစားသမားတစ်ဦးရဲ့ လွှမ်းမိုးမှုတွေ ရှိနေတာကို ပရိသတ်တွေကတော့ မလိုလားကြပါဘူး။

မည်သို့ပင်ဆိုစောကာမူ ဂနာချိုကတော့ စီရော်နယ်ဒိုရဲ့ ပရိသတ် အကြီးစားတစ်ဦး ဖြစ်ပြီး တစ်နိုင်ငံထဲသာ မက်ဆီကိုကျော်ပြီးတော့တောင် စီရော်နယ်ဒိုကို အိုင်ဒေါ အဖြစ် သက်မှတ်ထားခဲ့တဲ့ သူ ဖြစ်တာကြောင့် ဂနာချို အပေါ် စီရော်နယ်ဒိုရဲ့ လွှမ်းမိုးမှုတွေက တော်တော်လေးတော့ ကြီးမားနေတာပဲ ဖြစ်ပါတယ်။